माजी सैनिक प्रशिक्षण व उत्पादन केंद्र(टीसीपीसी)
स्थापना आणि प्रस्तावना सातारा येथील माजी सैनिक प्रशिक्षण व उत्पादन केंद्राची स्थापना ११ एप्रिल १९५९ रोजी करण्यात आली आहे. या केंद्राचे म्हणजेच टीसीपीसी चे सन १९८७ मध्ये लघुउद्योग केंद्र म्हणून नोंदणीकरण झाले त्यानुसार याचे कामकाज सर्व शासकीय नियमानुसार यशस्वीरीत्या चालते. हे केंद्र महाराष्ट्र राज्य सैनिककल्याण विभाग पुणे यांच्या नेतृत्वाखाली व मार्गदर्शनाखाली स्वबळावर चालणारे लघुउद्योग केंद्र आहे. कार्य उद्देश आणि राष्ट्रकार्य महाराष्ट्र राज्य सैनिककल्याण विभाग हे माजी सैनिकांचे पुनर्वसन, सुस्थिती, अडीअडचणी सोडवणे तसेच त्यांना आर्थिक साहाय्यकरणे इत्यादी गोष्टीत मदत करते. टीसीपीसी चे प्रशासकीय व वित्तीय नियंत्रण हे सैनिक कल्याण विभाग पुणे यांच्याकडे आहे. टीसीपीसी चीआर्थिक पाप्ती हि माजी सैनिकांच्या कल्याणाकरता कार्यरत असणाऱ्या ध्वजदिन निधीमध्ये वर्ग केली जाते. गुणवत्तेची हमी दर्जेदार उत्पादने – येथे शुद्ध सागवान वापरले जात असल्याने उत्पादनाचा दर्जा श्रेष्ठच आहे. फर्निचर सुंदर असावे शिवाय ते दणकटही असावे हि प्रत्येकाची इच्छा असते ती पूर्ण करण्याची क्षमता येथील उत्पादनात आहे. ऑफिसेस असो वा घर, जेथे म्हणून फर्निचरची गरज भासते तेथे नामाकित कंपन्या वा अधिकारी मंडळी आवर्जून आमच्याकडे खरेदीला येतात. टेबल, खुर्च्या, पलंग, कपाटे, टीपोय असे विविध प्रकार तयार तसेच मागणीप्रमाणे उपलब्ध आहेत. फर्निचर खरेदी करताना कोणाकडे घ्यावे हे ठरवण्य पूर्वी प्रत्यक्ष आमच्या येथे पाहून खात्री करून घ्या. त्यानंतरच निर्णय घ्या येथील खरेदी समाधानकारक ठरते हे नक्की.
माजी सैनिक प्रशिक्षण व उत्पादन केंद्र हे सातारा जिल्ह्याचे भूषण म्हणून प्रसिद्ध आहे. यामध्ये व्यवस्थापन वर्गाचा मोठा हातभार आहे.
